منتدا المحترفون
نرحب بك أجمل ترحيب في
(( ..المنتدي المحترفون..))
لا نريدك ضيـف بل صاحب الدار
حياك الله في منتداك وعلى الرحب والسعة
نأمل تواصلك الدائم معنا
مع أرق التحيات
بعض المحتويات مخفيه ولتصفح المنتدى بشكل كامل ندعوك للتسجيل او الدخول



كل جديد فى عالم الكمبيوتر/ والمحمول/ برامج /العاب/ معلومات/هكر/خدع
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اشعار شعبيه ليبيه جديده

اذهب الى الأسفل 
كاتب الموضوعرسالة
حوت المنتدى
نائب المدير
نائب المدير
حوت المنتدى

البلد : مصر
الـديـانــه : مسلم
الحمل الديك
عدد المساهمات : 82
نقاط العضو : 13689
السٌّمعَة : 0
تاريخ التسجيل : 04/11/2011
العمر : 25
الموقع : http://n222.7olm.org/
المزاج : بحب الحياه

مُساهمةموضوع: اشعار شعبيه ليبيه جديده    السبت ديسمبر 17, 2011 2:46 am

انجي ونشمك ونشرب عسل صافي نزل من فمك وننسى اسنين اليأس وين انضمك ياريت تسمحيلي انجي ونشمك

فوق القمه
وحق من خلق موسي ورده لأمه
عندي مكانك فوق فوق القمه
موش رسايل
ولامسج في نقال قولت قايل
كلام من الصميم ماعليك انحايل
حشاك مالقيتش فيك شي اندمه
عالي وغالي فوق ماتتخايل
في القلب إنت النبض وإنت دمه
الله يجعلك للخير ديما نايل
ومن يكرهك يااااارب يموت بسمه

الحق
مش فيك في اللي أمواطي نفسه ليك وداير لك شان معليك مزال عابش ياللي
اسلوبك دار غشايش كان دورتك نبقى طايش او مزال ارن عليك ما فيك أحساس ولا
اسلوبك ريته في ناس انا راجل مر فوع الرأس لاني من توبك لاليك

تعال
نقسمو ا الأسبوع نا وياك..الأ سبوع عندي النص فيه معاك..نصفه لية..تبي يوم
فوق النص ليك هدية..نعطيه راضي بقلب مية المية..فوق هكي انقولك
ياعباك..تربط كلامك زين موش تحله وعندي ثلاثة أيام ماتتغله.ولابأس تأخده
الاسبوع كله كله..وشن هو اللي مازال موش قداك..نملك ثلاثة أيام بين
إيدية..أناديك فيهن تلتزم بالجية..بقانون وأضح للفلا والغية..لاهو بهواي
ولا بكيف هواك..

مازال شاغلني وننشد عنه قليل خير مايننشد علينا كنه
ومازل شاغل بالي ومازل عندي دوم زوله غالي غير ليش ياغلينا رافع خشمك
ماتسال علينا

لو نكتبلك صبح عشية....بكل حروفي الأبجدية.وبنجوم الليل المضوية..مانوصفلك شوق في عيني

ينشدعليك بشوق وجع خاطري ينبض وهو محروق دواه شوفتك.

ياقليل عيوبك. مدة طويلة ماوصل مكتوبك. أيش السبب
ياالقديم عليش اتعرك //.درات جديد تعال وبارك

ودي
ودك ورأخي أحبالي لين وصلن يدك مايوم نتغله عليك لا اتتغله مانيش كيف
اللغز صاعب حله وكل مايجي في خاطرك توصله خوذ ماتقوليش كافي سدك

نمشي شور منازل هلها يا ناخذها يا نقتلها

من قال كيفك نلقي وأنت صفا ليام وسمح الملقي هيهات كان دورت كيفك نلقي‎‏ ‏

مش كل من فارق الجو ايعكر , ولا كل واحد تربط معاه مصير , مايجى العلقم فى مكان السكر , و لا القطن يرقى لمستوى الحرير ,,,,


مش
كل حد أنفكر فيه..ونبعث رسالة أنهنيه..مانبعث لي حد جوابي..خاطي لأعزازي
وأحبابي.. هللي دايرهم فأحسابي..وهم عيدي اللي نفرح بيه ..أمبارك بالعيد
أنهنيهم..هللي فرحت عيدي بيهم..وأنشاء الله ينعاد عليهم.. وشموع الفرح
أتضويه..

ماوصيته بروحه امكبد ولا يوم قال انسيته القلب ميت فيك
ماوصيته ياعروق اعروقي واخذاريافي والحنين وشوقي وماهن اخساره فيك ياريتني
مابين رمش اهذوبك نسقيك الغلاوالناس مايدروبك ياريتني نقدر انخش احلا انجيب
المطر يبقن ربيع ايامك وانخلي زها الايام دوبي دوبك ان شاءالله يطيح من
فوق جبل ويقرصه نحل اللي شافك وماقل عسل
مانا وجوه غرام**وجوه مرمدها غلا لوهام**عطيب حالنا
مانا وجوه محنه ولا يوم درنا صوب صاير منه ¤¤امغير نضحكوا ونجاملوا ياحنة بالك تغير حالنا القدام**ومانا وجوه غرام
مانا وجوه اسطايل ولانا وجوه فلوس لا موبايل ¤¤امغير عالمواجع حالنا يتمايل والهم متراكم اكوام اكوام
مانا وجوه دبش من غير ديما للشواهي انحش ¤¤وان جيت للشايب عليا يكش زايد معاوني علي ليام


مامن
ناس كلمتهم قصيرة عز القول مايديرو عطاب..ليهم صوت كي صوت الذخيرة ديما
فوق لي عند السحاب.. أجواد أكرام كلمتهم شهيرة كيف الصقر ماحاجة أيهاب..
جود وشرف مايديروش غيره أسياد اللقح والشول الطياب.. لهم مارات معروفة
وشهيرة ...أصحاب أخشوم كيف علو السحاب... وكانك جيت قاصدهم فشيرة... القول
الزين والفعل الصواب

مافيش يوم نسيتك ناوين وأنتي وين ديما عليا تخطري فى كل رمشة عين.@

ماعليكم
في لفراق منكم والدموع علي مربوحه مسامح ماعليكم في ماننوي عليكم كان عني
هجركم يغنيكم حسيت غيبه في سلام يديكم وفي عيونكم ريت الحنين شوي يفداكم
العمر اللي جمعني بيكم وحلم المكان الي خلاص اهزيعي يامن هجون بالغلا
ونجيكم ويدفن ايديكم في احضان ايدي حتي ونا مازال شوقي فيكم شوق الجدايل
والضما للمي جرحي مسامح فيه ننزا بيكم خلاص ارحلوا مااريد منكم شي

مازال ياسمح لبسام مدعاك يذهب الشيره ... ومازال عندك مقام في القلب حصه گبيرة ... ومازلت عالروح حوام والعين منك ضريره


ماتشيل
اذنوبي نا مسامحك ياللي دفرته صوبي *يالندرا جافيتني بعيوبي ولا جديدك تم
كيف خيالك ونا الياس داير غير دابه دوبي اللي تم كي ظلي وهذا فالك وخليك
صاحي دوم يامحبوبي من غدر غالي دايره راس مالك وخليك فاكر وين هي دروبي
بالك يردك ساس جاء في قبالك

ما انقصرو او ما عمرنا قصرنا امعاهم
اللي ما قصروش امعانا اوما انعبرو كانش اللي يعبرنا ولا يقصرن عا الباهيين
اخطانا او ما انقدرو الا اللي ايقدرنا ونتا اقدارك حايزات مكانا او ما
نخسرو اوما عمرناش اخسرنا صاحب غلا بذات كان شرانا

لوله خوفي بجديات
علي خاطر زولك با الذات نعلن حبي فكل مسموعة ويبدا لكل عاشق موضوعة
ايقولوا عنا الحب بروعة ويبقى اللناس حكايات وأنزيد شوقي لين يوصل كل
فضائية أيقولوا الحب برومنسية وأيدرو امنا حلقات

لا نظلمو لانا
أصحاب ظليمه لانقبلو ظلم العباد وضيمه مانقبلوش ايهانه ولانا من أيطول
عالعباد لسانه مهما تعلت رتبته ومكانه ومهما وصل في العلم بتعليمه ومانا
عبيده بالفلوس اشرانا ولا مقالب دايرين جريمه ربي خلقنا عالوطاسوانه عظيم
قدرته سبحانه في تقسيمه والبشر عمرك ما تقلل شانه واحسب حساب
القبروالتظليمه والحي يفني وينعرض ميزانه مايدوم كان الله ديمه ديمه

لامراد
ولاميماتي.. في رمضان أمغير صلاتي.. لا عبدالحي ولاعمران.. نطلب من ربي
الرحمن إيباعد عني الشيطان ..يبعد عني فكل أوقاتي..أنجي للتلفزيون شوية..
خاطي لبرامج دينية ..بيش يرضى مولاي علية.. وإيطول عمري وحياتي..


(كيف
قديمي كيف جديدي @ متفقين علي تشريدي)(دونك حال العين بعدها @ حال عزوز
ومات ولدها)(جاب فراش وجاب مخده @ بخت العين رقد من جده)(غلا درته ماطال
اسبوع @ خذا مني عامين ادموع)(درت غلا ماعمري درته @ لاكن مسرع ماودرته)

كاسر يا القديم ضهرنا خلك من كسرت خاطرنا
فوق
القمه! وحق من خلق موسي ورده لأمه ! عندي مكانك فوق .! موش رسايل! أولا
مسج في نقال قولت قايل! كلام من صميمي ماعليك انحايل ! الله يحفظك مافيك شي
اندمه ! عالي أوغالي فوق ما تخايل ! وانتا صميم القلب وانتا دمه! الله
يجعلك للخير ديما نايل ! والي يكرهك لازم ايموت ابسمه..!


غير
كافي:نأسف رصيدك من الحنان الدافي: ف خدمة رنين القلب:عاود عبي:وزيد أشترك
بالدبل منك نبي:اتعبي كروت العطف باقة حبي:ثلاثين قيمتهن اتحد أريافي:وأكتب
تعهد صدق شهد ربي:لشركة (غ ل ا ن ا) قدمه ياجافي

غياب غوالى داير غصه / كيف اللي مات وماوصه


عليك
رايفت عيني غزيرة سالت*نبو شوفتك لكن ظروفي حالت*اتسيل غزيرة*تبي شوفتك
دبرلها تدبيره*نلقانها واااجد العين ضريره*تصبر وما في الصبر حاجة
نالت*بيني وبينك يالعزيز سريره*عليك ف الخفا ياما النوحة شالت*بالغصب
لقيتهن اظروف عسيره*ورضيت بحكم الله هكي قالت



علي استولى
ملك خاطري وفالقلب كون دوله
الغالي سكن فيا
جاب
اجنودا ذوق وسماحه وعين ترزي سودا ونيران تكبر من نظاف اخدودا الباين
عليها معركه ماهولا‎ ‎حضرت جيشي ونا انريد انقودا‎ ‎عقلي وقلبي امعاه خشن
جولا والحرب قامت في وطا محدودا وين ما تلاقينا
<*المره الأولى*>
دافعت ناوي انرجعه لحدودا عابي علي اجنودي وهم طاعولا‎ ‎لقيت الخساير عرم مو معدوداسلمتله كل شي عمري أولى


عزا في الصوب .. وين مافاقدته زولنا المحبوب.. نصبنا اخيام درنا؟غزاااالي أنقض...؟ويدي أمنيده شالها ونفض
ويش صارله خيره غلاي رفض
العين خايله والحال مش مرغوب
مازادني أفراقه إمغير مرض
والهم ناصبها علينا أنصوب ميزان عيني زادن دموعه فض
ودمي خاطري وين باعدن لقلوب



صاحب
الناس وقيسهم بعيونك..وكل حد قيسه قيس بالميزان..تعرف اللي موحال يوم
ايهونك وتعرف اللي نفسه خبيثه اتبان.وتعرف اللي يفزع ويوقف دونك وتعرف اللي
زايف غلا وحنان. مايغرك كلام ولااتخيب اظنونك.مرات صاحبك ايصاحبك
بلسان.وارحل و دور ياعزيز في كونك..ماتلقا غوالي كيفنا حبان.



شوق
مسايل حواجب ومضحك والعيون ذبايل عاجباتني فيك فيك اميام سمحة كبيرة سود
كي الظلام والرمش مساطر اتقول سهام نشلها محارب في نهار اخصام وإسمك على
رسمك مع الهندام ايلجن عليك خدود شمس قوايل عشت وشفت من الناس أقوام مافي
أولاد الغرب ليك متايل مالك شبيه فالعباد تمام
ريتك حقيقة موش قولت قايل..



*سميت
بسم الله اعليك اسمله ،يانظر عيني ياجميل الطله ،ياسمح الفعايل يابو صيت
طايل يادلالل القايل اعليك ماانتخلي،حسيت بيك شقيقي اوحسيت بانفاسك دواء
لظيقي يابواقلب صافي يادواء لغريقي،درتك دواء للعازه درتك رفيق الليل
ونامعتازه اومازلت راني لصحبتك محتاجه ،اوسميت بسم الله اعليك اسمله غالي
اعليا غالي غالي

ريت النوم راقد في قراره وريت الشر شابع باللحم
وريت النور ظاوي علفناره وريت الحوت فالي فالرتم وريت العيب خايف ملمعاره
كلا جود واقدار اوحشم وريت العين ملميم اتباره وريت الصوف يقرض فجلم وريت
الجار خانب بيت جاره وريت الصمغ يكتب بلقلم كاتب بيت بادي من ايصاره لي
ليمين علقاغط رشم وكاتب قول ماعرفتش افساره ظني فيه بيت امنلعلم عجب ريت
فاخر وقت اتشوفا العين اوتالفا


خد بخد مرايف على ملقاك ياعزيز بجد انريد ناخدك بالحضن ونسلم عليك خدبخد


تبي تعرف ياالحنون بلاك.العيشة كيف أتكون؟ لوقلبي حاول ينساك واله أنقص جذورغلاك ماهو أنموتو أنا وياك وتلقاني جنبك مدفون


اللي حازك ياتفاحه حاز البنك مع مفتاحه

خد
وشفه.وسالف تصارع فيه جي يسفه.وجبين يجهرك بالضي مايتخفى.من بعيد يشاكع
اتقول ثريا.بنات جيلها في كفه وهي في كفه.وخفيف مشيها عالأرض تقهر فيا

أه
منكم ومن غلاكم.وأه من طول رجاكم.وأه من جرح مايبرا إلا بلقاكم.وأه من
ضيقة علم كان ماسمعناكم.وأه من نار ماتطفى إلا يالاكم.وأه من أرياف قاتل
العين وراكم

.
الدنيا تبي خبير والبحر يبي قوارب والحلم ليه
تفسير والسيل عنده مسارب اوقات تتعب وتحيرواقات مرتاح طارب والصبر مفتاح
الخيروالحياة ديما تجارب..

نا روحي ماني قاسمها ¤¤¤ بالكامل ليك امسلمها¤

من سطار سطير جروحي .. مضايق حتى من روحي

كيما غاليت تهون! ياما فقدنا من زويل! حنون يابال حضرتك~~:@

بلاك لا قمر لا شمس ...
زولك الله لا ايغيبه

يا القـــديم اللة لاايردك ......ماني ملك البوك وجدك

هي مادزّت..وانا زاد ما دزّيت نفسى عزّت..جرت بينّا غيبه.
هي
ماهادت..ونا زاد ماهاديت نفسي كادت بعد البياض أسودت.. هي ماسالت..ونا زاد
عيني لا مشت لاجالت بيناتنا قسوه كبيره طالت وانا بصبر مانفسي نهار أهتزّت
هي محتاره... وتريدني , ومكابره و انا نريدها لكن نريد دباره


غرامك مثل نار حطبها الغلا والنار..
تموت وغلاك اللي بقلبي يولعها..

درت
احسابي نرجى فيك.ودرت احسابي نعيش امعاك.ودرت احسابي مانجافيك.ودرت احسابي
مانجفاك.يلي ماعندي خاطيك.ويلي مانحمل فرقاك.وقدام العالم نشريك.مكرا
فاللي مايسواك.وقلبي موش اخساره فيك.يزهى طول العمر امعاك.


كان سمعت ابليس ايصيم~تعال انردك يا القديم


جبت
الزبده ! و الحر عمره ما طلع ع المبدأ.. والواطي تهون عليه حتي كبده .. يا
بال قولة يا قرين قريني! المفروض حذري كيف قولك نبدأ .. مش كل معدن لمعته
تغريني! ونكون سيد دهري مانكونش عبده


انغريت في صاحب ضننته خيرا ... احسبت الوفاء نلت الشقاء والحيرة
نلت الشقاء والكدرة .. احسبت الوفاء نلت الشقاء من غدرا
احسبته ذهب مسبول عالي قدره .. طلع معدنه قزير سود اركانه ملاليم يسوى فحسبتا وتقديرا

انجي ونشمك ونشرب عسل صافي نزل من فمك وننسى اسنين اليأس وين انضمك ياريت تسمحيلي انجي ونشمك_


جدول
فيه أحصص غلاك..ضروري تلتزمي باها..باللغة العربية مبداك.. ودايرتعديلات
علاها.. الفتحه والضمه يالاك ..بس الكسره نالاغاها ..وبعدين القراءة معاك
.. تشوفي لعيوني وتقراها ..وملي عليا بكيف هواك..نكتب كل كلمة أتقولاها..
ونحسب شوقي لملقاك..والنتيجه عارفتاها..ونرسملك مشوار غلاك.. الرسمه اللي
أنتي تتمناها.. ونرسم خريطة دنياك.. وأنخلي الطقس أمعدل فاها

وانتي حيرتيني معاك...وماني عارف حتى اسماك...ولا عارف امتة بنلقاك....وانااراجي في يوم اتجيني
انامازلت
اراجي فيك...اتزيحيلي ستار ايخبيك...قلبي ذاب تعلق بيك...قوليلي كانك
تبيني.نتعلق ابنية...وانا ماني عارف من هية....نادتني فيك الحنية...في هموم
الدنيا اتنسيني


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اشعار شعبيه ليبيه جديده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدا المحترفون :: منتدا لــيــبــيــا-
انتقل الى: